GHAZALS ( BOHATT DINOON BAAD )

Bohat Dinoon Baad 

Bohat Dinoon Baad
Tery Khat k Udas Lafzon Ne
Teri Chahat k Zaiqon Ki Tamaam Khushboo
Meri Ragoon Mein Undail Di Hay
Bohat Dinoon Baad
Teri Baatein,Teri Mulaqat Ki Dhanak Se Dehakati SaAtein
Ujarr Aankhon Ki Payas,Pataal Ki Tehon Mein
Visaal Waadon Ki Chand Chingarion Ko
Saans Ki Aanch Dey Kar
Shareer Sholoon Ki Sarkashi k Tamaam Tewar Sikha Gayi Hain
Tery Mehaktay Muheen Lafzon Ki Aabsharein
Bohat Dinoon Baad
Phir Se Mujh Ko Rula Gayii Hain
Bohat Dinoon Baad
Main Ne Socha
To Yaad Aaya
k Mery Ander Ki Rakh k Dhair Par Abhi Tak
Tery Zamaney Likhey Hue Hain
Sabhi Fasaney Likhey Hue Hain
Bohat Dinoon Baad
Main Ne Socha To Yaad Aaya
k Teri Yaadon Ki Kirchian Mujh Se Kho Gayi Hain
Tery Badan Ki Tamaam Khushboo
Bikhar Gayi Hay
Tery Zamaney Ki Chahtein
Sab Nishanian
Sab Sharartein
Sab Hikayatein
Sab Shikayatein, Jo Hunar Mein Khayal Thin
Khuwab Ho Gayi Hain
Bohat Dinoon Baad
Main Ne Socha To Yaad Aaya
k Main b Kitna Badal Gaya Hun
Bicharr k Tujh Se
Kayii Lakeeron Mein Dhall Gaya Hun
Main Apney Cigrate k Bey Irada Dhunwein Ki Surat
Hawa Mein Tehleel Ho Gaya Hun
Na Dhoond Meri Wafa k Naqsh-e-Qadam k Raizey
k Main To Teri Talash k Bey Kinar Sehra Mein
Weham k Bey Aman Bagolon k Waar Seh Kar
Udas Reh Kar
Na Janey Kis Raah Mein Kho Gaya Hun
Bicharr k Tujh Se
Teri Tarah
Kya Bataon Main b
Na Janey Kis Kis Ka Ho Gaya Hun
Bohat Dinoon Baad
Main Ne Socha To Yaad Aaya...!

RAwallpaperxpk